കൊടിമരത്തെ മനുഷ്യ ശരീരവുമായി

കൊടിമരത്തെ മനുഷ്യ ശരീരവുമായി ബന്ധപ്പെടുത്തി പറയുമ്പോൾ നട്ടെല്ലിൻ്റെ പ്രതീകമാണെന്ന് ക്ഷേത്ര ചൈതന്യ രഹസ്യത്തിൽ വിവരിക്കുന്നു. കൊടിമരത്തിൻ്റെ ചുവട് മൂലാധാരവും മുകൾഭാഗം സഹസ്രാരചക്രവും എന്ന് പറയുന്നു.അതു കൊണ്ടാണ് കൊടിമരത്തിൻ്റെ മുകൾ ഭാഗത്ത് ദേവൻ്റെ വാഹനം പ്രതിഷ്ഠിച്ചിരിക്കുന്നത് എന്ന് പറയുന്നു.ദേവ ചൈതന്യം സഹസ്രാര പത്മത്തിൽ നിന്നാണ് ഇറങ്ങി വരുന്നത്.ഈ നട്ടെല്ല് സുഷുമ്നാ നാഡി മാത്രമല്ല ഇഡാ പിംഗളാ നാഡികൾ കൂടിച്ചേർന്നതാണ്. അതുകൊണ്ടാണ് ആലുംമാവും കൊടിമരത്തിൽ കൂട്ടിക്കെട്ടുന്നത് എന്ന് പറയുന്നു. ആലുംമാവും പിംഗളാ നാഡിയേയും ഇഡാ നാഡിയേയും സൂചിപ്പിക്കുന്ന പ്രതീകങ്ങൾ ആണ്.