നാഗത്താൻ പാമ്പ്.

🐍🐍🐍ആലപ്പുഴ ചക്കുളത്തുകാവ് ഒരു വീടിന്റെ മൂന്നാമത്തെ നിലയിൽ നിന്നും പിടിച്ച നാഗത്താൻ പാമ്പ്...!! 🐍

🐍

നാഗത്താൻപാമ്പ്( Ornate flying snake)

 #പറക്കും  #പാമ്പ് എന്നും അറിയപ്പെടുന്നു. പൊന്നിന്റെ നിറവും ചുവപ്പും, കറുപ്പും വരകളും, കുറികളുമൊക്കെ ശരീരത്തുലുള്ള ഒരു പാമ്പാണിത്. മരംകയറി പാമ്പുകളായ ഇവ മുകളിൽനിന്ന് താഴേയ്ക്ക് തെന്നി പറന്നിറങ്ങാറുണ്ട്. പ്രധാനമായും സഹ്യപർവ്വതനിരകളിലെ കാടുകളിലാണ് ഇവയെ കാണപ്പെടുന്നത്. പല്ലികളും ഓന്തുകളുമാണ് പ്രധാന ഭക്ഷണം. ശരാശരി ഒന്നര മീറ്ററോളം നീളമുള്ള ഇവയ്ക്ക് #അലങ്കാരപ്പാമ്പ് എന്നൊരു പേര് കൂടിയുണ്ട്. 

🐍പറക്കാൻ കഴിവുണ്ട് എന്നതുകൊണ്ട് ഈ പാമ്പിന് ചിലർ ദിവ്യത്വം കല്പ്പിക്കാറുണ്ട്.

🐍നാഗത്താൻ പാമ്പുകളുടെ ഇളം പച്ചനിറമുള്ള ഉപരിഭാഗത്ത് വിലങ്ങനെ കൃത്യമായി ഇടവിട്ടുള്ള കറുപ്പുവരകളുണ്ട്. വരകളുടെ സ്ഥാനത്തുള്ള ചെതുമ്പലുകളുടെ അരികുകൾ കറുത്തിരിക്കും. അടുത്തടുത്തുള്ള ചെതുമ്പലുകളുടെ കറുത്ത അരികുകൾ തുടർച്ചയായ ഒരു വരപോലെ തോന്നിക്കുന്നു. ചില പാമ്പുകൾക്ക് മുതുകിലെ നടുവരിയിലുള്ള ചെതുമ്പലുകളിൽ മഞ്ഞനിറത്തിലുള്ള പുള്ളികൾ കാണപ്പെടാറുണ്ട്. മരം കയറാൻ ഉപകരിക്കത്തക്കവിധം വയറിന്റെ അരികു മടങ്ങിയാണിരിക്കുന്നത്. പാർശ്വഭാഗങ്ങളിലുള്ള ചെതുമ്പലുകൾക്ക് ഓരോ കറുത്ത പുള്ളിയും ചെറിയ വരമ്പും ഉണ്ട്. കറുപ്പുനിറമുള്ള തലയിൽ വിലങ്ങനെ മഞ്ഞയോ പച്ചയോ വരകളും അങ്ങിങ്ങായി പുള്ളികളുമുണ്ട്. വാലിന്റെ അടിയിലെ ചെതുമ്പലുകൾക്ക് കറുത്ത മധ്യരേഖയോ പുള്ളികളോ ഉണ്ടായിരിക്കും. വായിൽ 20-22 പല്ലുകളുണ്ട്. വിഷമുണ്ടെങ്കിലും പൊതുവേ മനുഷ്യർക്ക് ഹാനികരമല്ല.

🐍തവളകൾ, പല്ലികൾ, ഓന്തുകൾ, ചെറുപക്ഷികൾ, അവയുടെ മുട്ടകൾ, പ്രാണികൾ തുടങ്ങിയവയാണ് നാഗത്താൻ പാമ്പുകളുടെ ഭക്ഷണം. ഇരയെ ജീവനോടെ വിഴുങ്ങുകയാണ് ഇവയുടെ പതിവ്. ഫെബ്രുവരി-മാർച്ച് മാസങ്ങളാണ് പ്രജനനകാലം. പെൺപാമ്പ് 6 മുതൽ 12 വരെ മുട്ടകൾ ഇടുന്നു.

🐍നേരിയ അളവിൽ വിഷമുണ്ട്.

പക്ഷേ മനുഷ്യ ശരീരത്തിൽ യാതൊരു പ്രശ്നവും ഉണ്ടാക്കാനുള്ള ശേഷിയില്ല വിഷത്തിന്.

ഉയരമുള്ള മരങ്ങളിൽ നിന്നും താഴോട്ട് ചാടി ശരീരം പരത്തിപ്പിടിച്ച് പുളയുമ്പോൾ വായുവിന്റെ ഗതിക്കനുസരിച്ച് കുറച്ചു ദൂരം തെന്നി നീങ്ങാനുള്ള കഴിവുണ്ട്. അതിനാലാണ് പറക്കും പാമ്പ് എന്ന പേര് കിട്ടിയത് .