പ്രദോഷ വന്ദനം

*ഓം നമഃ ശിവായ*

*പ്രദോഷ വന്ദനം*  

*ഉമാമഹേശ്വര സ്തോത്രം*

|| ഓം നമഃ ശിവാഭ്യാം നവായൗവനാഭ്യാം പരസ്പരാശ്ലിഷ്ടവപുർധരാഭ്യാം

നഗേന്ദ്രകന്യാവൃഷകേതനാഭ്യാം 

നമോ നമഃ ശങ്കരപാര്വതീഭ്യാം ||

|| ഓം നമഃ ശിവാഭ്യാം സരസോത്സവാഭ്യാം നമസ്കൃതാഭീഷ്ടവരപ്രദാഭ്യാം 

നാരായണേനാർച്ചിതപാദുകാഭ്യാം 

നമോ നമഃ ശങ്കരപാര്വതീഭ്യാം ||

|| ഓം നമഃ ശിവാഭ്യാം വൃഷവാഹനാഭ്യാം വിരിഞ്ചിവിഷ്ണ്വിന്ദ്രസുപൂജിതാഭ്യാം

വിഭൂതിപാടീരവിലേപനാഭ്യാം 

നമോ നമഃ ശങ്കരപാര്വതീഭ്യാം ||

|| ഓം നമഃ ശിവാഭ്യാം ജഗദീശ്വരാഭ്യാം ജഗത്പതിഭ്യാം ജയവിഗ്രഹഭ്യാം

ജംഭാരിമുഖ്യൈരഭിവന്ദിതാഭ്യാം 

നമോ നമഃ ശങ്കരപാർവ്വതീഭ്യാം ||

|| ഓം നമഃ ശിവാഭ്യാം പരമൗഷധാഭ്യാം പഞ്ചാക്ഷരീപഞ്ജരരഞ്ജിതാഭ്യാം

പ്രപഞ്ചസൃഷ്ടിസ്ഥിതിസംഹൃതിഭ്യാം 

നമോ നമഃ ശങ്കരപാർവ്വതീഭ്യാം ||

|| ഓം നമഃ ശിവാഭ്യാമതിസുന്ദരാഭ്യാം

അത്യന്തമാസക്തഹൃദംബുജാഭ്യാം

അശേഷലോകൈകഹിതങ്കരാഭ്യാം 

നമോ നമഃ ശങ്കരപാർവ്വതീഭ്യാം ||

|| ഓം നമഃ ശിവാഭ്യാം കലിനാശനാഭ്യാം കങ്കാളകല്യാണവപുർധരാഭ്യാം

കൈലാസശൈലസ്ഥിതദേവതാഭ്യാം 

നമോ നമഃ ശങ്കരപാർവ്വതീഭ്യാം ||

|| ഓം നമഃ ശിവാഭ്യാമശുഭാപഹാഭ്യാം

അശേഷലോകൈകവിശേഷിതാഭ്യാം

അകുണ്ഠിതാഭ്യാം സ്മൃതിസംഭൃതാഭ്യാം നമോ നമഃ ശങ്കരപാർവ്വതീഭ്യാം ||

|| ഓം നമഃ ശിവാഭ്യാം രഥവാഹനാഭ്യാം രവീന്ദുവൈശ്വാനരലോചനാഭ്യാം

രാകാശശാങ്കാഭമുഖാംബുജാഭ്യാം 

നമോ നമഃ ശങ്കരപാർവ്വതീഭ്യാം ||

|| ഓം നമഃ ശിവാഭ്യാം ജടിലന്ധരാഭ്യാം ജരാമൃതിഭ്യാം ച വിവർജിതാഭ്യാം

ജനാർദ്ദനാബ്ജോദ്ഭവപൂജിതാഭ്യാം 

നമോ നമഃ ശങ്കരപാർവ്വതീഭ്യാം ||

|| ഓം നമഃ ശിവാഭ്യാം വിഷമേക്ഷണാഭ്യാം ബില്വച്ഛദാമല്ലികദാമഭൃദ്ഭ്യാം

ശോഭാവതീശാന്തവതീശ്വരാഭ്യാം 

നമോ നമഃ ശങ്കരപാർവ്വതീഭ്യാം ||

|| ഓം നമഃ ശിവാഭ്യാം പശുപാലകാഭ്യാം ജഗത്രയീരക്ഷണബദ്ധഹൃദ്ഭ്യാം

സമസ്തദേവാസുരപൂജിതാഭ്യാം 

നമോ നമഃ ശങ്കരപാർവ്വതീഭ്യാം ||

|| സ്തോത്രം ത്രിസന്ധ്യം ശിവപാർവ്വതീയം ഭക്ത്യാ പഠേദ്വാദശകം നരോ യഃ

സ സര്വസൗഭാഗ്യഫലാനി ഭുങ്തേ ശതായുരന്തേ ശിവലോകമേതി ||

|| ഇതി ശ്രീമത്പരമഹംസപരിവ്രാജകാചാര്യസ്യ ശ്രീഗോവിന്ദഭഗവത്പൂജ്യപാദശിഷ്യസ്യ ശ്രീമച്ഛങ്കരഭഗവതഃ കൃതാവുമാമഹേശ്വരസ്തോത്രം സംപൂർണ്ണം||