〰〰〰〰〰〰〰
സര്പ്പദോഷവും പരിഹാരങ്ങളും
24 .10, 2019
7 ; 26 A M 〰〰〰〰〰〰〰
സര്പ്പങ്ങളുടെ നക്ഷത്രമായ ആയില്യ ത്തെക്കുറിച്ചും ജ്യോതിഷത്തില് സര്പ്പദോ ഷവുമായി ബന്ധപ്പെട്ട് ചിന്തിക്കുന്ന രാഹു എന്ന ഗ്രഹത്തെക്കുറിച്ചുമുള്ള അറിവുകള് സര്പ്പ വിശ്വാസത്തിന്റെ മാറ്റുകൂട്ടി.അസുഖങ്ങള് കുറയ്ക്കു ന്നതിനും സന്താന ലബ്ധിക്കും മംഗല്യ ഭാഗ്യത്തിനും വേണ്ടിയിട്ടായിരുന്നു ആദ്യകാല നാഗപൂജ കളെങ്കില്, പില്ക്കാ ലത്ത് മറ്റു ദേവ തകളെപ്പോലെ തന്നെ സകല കാര്യങ്ങള്ക്കും വേണ്ടിയുള്ള നാഗാരാധന നിലവില്വന്നു.തനിക്കു കീഴ്പ്പെടുത്താന് കഴിയാത്ത പ്രകൃതി ശക്തികളേയും (ഇടി, മിന്നല്, സൂര്യന്, ഗ്രഹങ്ങള്) തനിക്ക് ഉപകാരം ചെയ്യുന്ന പ്രകൃതി സത്തകളേയും (ജലം, വായു, വൃക്ഷങ്ങള്, പര്വ്വതങ്ങള്) ദൈവമായി സങ്കല്പിച്ച് ആരാധിക്കുന്ന രീതി പഴയകാല മനുഷ്യര്ക്കുണ്ടായിരുന്നു.നൂറ്റാണ്ടുകള്ക്ക് മുമ്പ് നമ്മുടെ പ്രദേശം കാടുകള് നിറഞ്ഞതായിരുന്നല്ലോ. അക്കാലത്ത് ജീവിച്ചിരുന്ന മനുഷ്യരുടെ പ്രധാന ഭീഷണി പാമ്പുകളായിരുന്നു.
〰〰〰〰〰〰
കാടു വെട്ടിത്തെളിച്ചു മനുഷ്യര് കുടില് കെട്ടിയപ്പോള് ആവാസവ്യവസ്ഥിതിയില് മാറ്റം നേരിട്ട പാമ്പുകള് മനുഷ്യരെ ആക്രമിക്കുന്നത് നിത്യസംഭവമായി. അതോടെ മനുഷ്യര് പാമ്പുകളെ ശത്രുവായി കരുതുകയും എവിടെക്കണ്ടാലും അതിനെ തല്ലിക്കൊല്ലുകയും പതിവായി.ജൈവ വ്യവസ്ഥയുടെ താളംതെറ്റുന്നത് മനസ്സിലാക്കിയ ജ്ഞാനശ്രേഷ്ഠര് പാമ്പുകളും മനുഷ്യരുമായുള്ള ഐക്യം നിലനിന്നാലെ കാര്യങ്ങള് നേരെയാകൂ എന്നുറച്ചു. അവരുടെ ബോധപൂര്വ്വമായ പ്രചാരണങ്ങളാണ് മനുഷ്യനെ നാഗാരാധനയിലേക്ക് തിരിച്ചത്.കാവുകള് സംരക്ഷിച്ച് പാമ്പുകള്ക്ക് സൈ്വരവിഹാരം നടത്താനുള്ള ഇടം സൃഷ്ടിച്ചപ്പോള് നാഗങ്ങള് മൂലമുള്ള അപായങ്ങളുടെ തോതു കുറഞ്ഞു.അതോടെ നാഗപൂജയിലുള്ള മനുഷ്യരുടെ വിശ്വാസത്തിന്റെ അളവും വര്ദ്ധിച്ചു. ഇന്നും ആ വിശ്വാസം വന്യമായ ഒരു കാവുപോലെ പടര്ന്നു പന്തലിച്ച് നില്ക്കുന്നു.
〰〰〰〰〰〰
കാവു സംസ്ക്കാരം സര്പ്പാരാധനയുമായി ബന്ധപ്പെട്ട കുറേയേറെ ചിന്തകള്ക്കും വിശ്വാസങ്ങള്ക്കും ജീവന് പകര്ന്നു. നാഗങ്ങളുടെ അത്ഭുത സിദ്ധികളും മാണിക്യം പേറി നടക്കുന്ന നാഗത്താന്മാരുടെ വീരകഥകളും കേട്ടു വളര്ന്ന തലമുറ പാമ്പുകളെ കൊല്ലുന്നതും ഉപദ്രവിക്കുന്നതും പാപമാണെന്ന് മനസ്സിലാക്കി.പാമ്പിന്റെ പുറ്റു തകര്ത്തയാളുടെ കുടുംബം തകര്ന്നതും പാമ്പിന്റെ തോലെടുത്ത ദുര്വൃത്തന്റെ ശരീരം അതുപോലെ പൊള്ളിയിളകിയതും നാഗക്കാവില് അശുദ്ധിയോടെ കയറിയ കന്യകയ്ക്ക് മംഗല്യം ഉണ്ടാകാത്തതും പാമ്പിന്റെ മുട്ട പൊട്ടിച്ച വീട്ടമ്മയുടെ മകള് മരണപ്പെട്ടതും ചേറാടിയ പാമ്പുകളെ കൊന്നയാള്ക്ക് സന്തതിയുണ്ടാകാത്തതും വിശ്വാസികളായ മനുഷ്യര് കാതുകളില് നിന്ന് കാതുകളിലേക്ക് പകര്ന്നു.നാഗങ്ങളെ പ്രീതിപ്പെടുത്തി പരിഹാരം ചെയ്താല് ദോഷത്തിന്റെ കാഠിന്യം മാറുമെന്ന പ്രവചനം അനുസരിച്ച് പ്രവര്ത്തിച്ചവര്ക്ക് നന്മയും സമാധാനവും ലഭ്യമായത് മനസ്സുകളിലെ വിശ്വാസത്തെ പൂര്വ്വാധികം ശക്തിപ്പെടുത്തി.
〰〰〰〰〰〰
സര്പ്പങ്ങളുടെ നക്ഷത്രമായ ആയില്യത്തെക്കുറിച്ചും ജ്യോതിഷത്തില് സര്പ്പദോഷവുമായി ബന്ധപ്പെട്ട് ചിന്തിക്കുന്ന രാഹു എന്ന ഗ്രഹത്തെക്കുറിച്ചുമുള്ള അറിവുകള് സര്പ്പ വിശ്വാസത്തിന്റെ മാറ്റുകൂട്ടി.അസുഖങ്ങള് കുറയ്ക്കുന്നതിനും സന്താനലബ്ധിക്കും മംഗല്യ ഭാഗ്യത്തിനും വേണ്ടിയിട്ടായിരുന്നു ആദ്യകാല നാഗപൂജകളെങ്കില്, പില്ക്കാലത്ത് മറ്റു ദേവതകളെപ്പോലെ തന്നെ സകല കാര്യങ്ങള്ക്കും വേണ്ടിയുള്ള നാഗാരാധന നിലവില്വന്നു.
〰〰〰〰〰〰
ജ്യോതിഷത്തില് സര്പ്പകോപത്തെക്കുറിച്ച് ഇപ്രകാരം പറയുന്നു:
〰〰〰〰〰〰〰
''ബാധകാധിപനായിട്ടു പന്ത്രണ്ടാഷ്ടമേ ഗുരു
സര്പ്പകേന്ദ്രത്തില് നിന്നാകില് സര്പ്പദൈവങ്ങള് ബാധയാം
ബാധേശനായിട്ടവിടെ മാന്ദി കേന്ദ്രേവരില് ഗുരു
ബാധയാം നീച സര്പ്പങ്ങള് മാന്ദിയും സര്പ്പമാകയാല്"
〰〰〰〰〰〰
രാഹു തന്റെ ബാധകസ്ഥാനേ നില്ക്കിലും സര്പ്പബാധയാം അര്ക്കന്റെ യോഗദൃഷ്ട്യാദി സംബന്ധം രാഹുവിന്നിഹ ഉണ്ടാകില് മണിനാഗങ്ങള് കരിനാഗങ്ങളും പുനഃ ചന്ദ്രന്റെ ക്ഷേത്രാദി രാഹുവിനും വരുംവിധൗ''ഏതു രാശിയില് നില്ക്കുന്ന രാഹുവും സര്പ്പബാധയെ സൂചിപ്പിക്കുന്നു (സര്വ്വരാശീഷു രാഹുവിന് സര്പ്പബാധ പറഞ്ഞിടാം).വ്യാഴം ബാധകാധിപതിയായി 6, 8, 12-ല് നില്ക്കുക. വ്യാഴം നില്ക്കുന്ന രാശി രാഹുവിന്റെ കേന്ദ്രമായി വരിക ഇപ്രകാരമായാലും സര്പ്പബാധ ചൊല്ലണം. ഗുളികന്റെ കേന്ദ്രത്തിലാണെങ്കിലും സൂര്യചന്ദ്രന്മാരുടെ യോഗദൃഷ്ട്യാദികള് ഉണ്ടെങ്കിലും സര്പ്പബാധ വ്യക്തമാണ്.രാഹു ബാധാ രാശിയിലോ, പത്തിലോ അഷ്ടമത്തിലോ നിന്നാല് സര്പ്പകോപം പറയാം. വ്യാഴം ബാധകസ്ഥാനാധിപതിയായി രാഹുവിന്റെ കേന്ദ്രത്തില് വരുന്ന 6, 8, 12 ഭാവങ്ങളില് വന്നാല് ഉത്തമ സര്പ്പങ്ങളുടേയും മറിച്ച് ഗുളികന്റെ കേന്ദ്രത്തില് വന്നാല് അധമ സര്പ്പങ്ങളുടേയും ബാധയാണ് ഉണ്ടായിട്ടുള്ളത്.രാഹുവിന് സൂര്യന്റെ യോഗം വന്നാല് ഉത്തമസര്പ്പങ്ങളുടേയും ചന്ദ്രന്റെ യോഗം വന്നാല് അധമ സര്പ്പങ്ങളുടേയും ശാപം ജാതകന് വന്നുഭവിച്ചിരിക്കുന്നു.
〰〰〰〰〰〰
ഒരാള്ക്ക് സര്പ്പബാധയുണ്ടാകാനുള്ള കാരണം?
രാഹുവിന്റെ കേന്ദ്രത്തില് ചൊവ്വ വന്നാല് ചിത്രകൂടം, പുറ്റ് മുതലായ നാഗവാസ കേന്ദ്രങ്ങളെ തകര്ക്കുക, സര്പ്പങ്ങളെ കൊല്ലുക, നാഗക്കാവ് നശിപ്പിക്കുക മുതലായവയാണ് സര്പ്പബാധയ്ക്ക് കാരണം.ഗുളികനും ശനിയും രാഹുവിന്റെ കേന്ദ്രത്തില് വന്നാല് കാവില് മലമൂത്ര വിസര്ജ്ജനം ചെയ്യുക, കാവിനകത്ത് തുപ്പുക, തസ്ക്കരന്മാര് കാവില് കടന്നു കൂടുക, മൃഗങ്ങള് (ആന, പോത്ത്) മൂലം കാവിന് നാശമുണ്ടാകുക, കാവില്വച്ച് മനുഷ്യര് ഇണചേരുക മുതലായവയാണ് സര്പ്പദോഷത്തിന് കാരണമെന്ന് നിരൂപിക്കാം.
〰〰〰〰〰〰
സര്പ്പദോഷത്തിന് പരിഹാരം
സര്പ്പദോഷങ്ങള്ക്ക് പ്രതിവിധിയായി പല കര്മ്മങ്ങളും നടത്താറുണ്ട്. രാഹു നാലില് ആണെങ്കില് ചിത്രകൂടം കെട്ടി സര്പ്പ പ്രതിഷ്ഠ നടത്തുക. ഏതെങ്കിലും ക്ഷേത്രത്തില് ചിത്രകൂടം സംഭാവന ചെയ്യുക.രാഹു ആരൂഢത്തിലോ, ഏഴിലോ ആണെങ്കില് നൂറും പാലും നടത്തണം. നാഗങ്ങള്ക്ക് പാല്പായസ നിവേദ്യ സമര്പ്പണവും ചെയ്യണം. രാഹു പന്ത്രണ്ടി ലാണെങ്കില് കോലംതുള്ളല്, പുള്ളുവന്പാട്ട് സര്പ്പബലി, ഇവ മൂന്നുമോ, ഇതിലേ തെങ്കിലും രണ്ടെണ്ണമോ നടത്തണം.രാഹു ലഗ്നത്തില് ചരരാശിയില് ആണെ ങ്കില് സര്പ്പത്തിന്റെ മുട്ടകള്ക്ക് നാശം സംഭവി ച്ചതാണ് നാഗദോഷത്തിന് കാരണം. ഉഭയരാശി യിലാണെങ്കില് സര്പ്പത്തിന്റെ കുഞ്ഞുങ്ങളെ കൊന്നതും സ്ഥിരരാശിയിലാണെങ്കില് സര്പ്പക്കാവ് മുടിച്ചതും സര്പ്പദോഷത്തിന് കാരണമാണ്.നീച സര്പ്പങ്ങളുടെ കോപമാണെങ്കില് മുട്ട നശിപ്പിച്ചതിനുള്ള പരിഹാരമായി ചെമ്പുകൊണ്ട് നിര്മ്മിച്ച മുട്ടകളുടെ രൂപവും സമര്പ്പിക്കണം.സര്പ്പങ്ങളുടെ നാശത്തിന് പരിഹാരമായി ചെമ്പ്, വെള്ളി തുടങ്ങിയ ലോഹങ്ങള് കൊണ്ട് നിര്മ്മിച്ച നാഗരൂപം സര്പ്പക്കാവില് സമര്പ്പണം ചെയ്യാം. ഉത്തമ സര്പ്പങ്ങളുടെ കോപമാണെങ്കില് സ്വര്ണ്ണത്തില് നിര്മ്മിച്ച മുട്ടകളും നാഗരൂപങ്ങളുമാണ് സമര്പ്പിക്കേണ്ടത്.സര്പ്പദോഷം കൊണ്ടുള്ള സന്താനഭാഗ്യമില്ലായ്മയ്ക്ക് മണ്ണാറശാലയിലെ ഉരുളി കമിഴ്ത്തല് ശ്രേഷ്ഠമാണ്. സര്പ്പസംബന്ധമായി വിവാഹം വൈകുന്നുവെങ്കില് ഭവനത്തിലോ, കാവിലോ കളംവരച്ച് അഷ്ടനാഗങ്ങളെ പൂജിച്ച് പ്രീതിപ്പെടുത്തുന്നത് ഉത്തമമാണ്.നാഗങ്ങള് മൂലമുണ്ടാകുന്ന ഭയം മാറാന് സര്പ്പഭയഹരയന്ത്രം ധരിക്കുന്നതും വിഷം തീണ്ടാന് യോഗമുള്ളവര് ഗരുഢയന്ത്രം ധരിക്കുന്നതും ഉത്തമമാണ്.
〰〰〰〰〰〰〰
♻🔰♻🔰♻🔰♻ ബാലേട്ടൻ
〰〰〰〰〰〰〰
No comments:
Post a Comment